Bhuk hame manzoor hai saahib

Bhuk hame manzoor hai saahib
Bas goli khila do dharm ki
Japte rahe ham aaphi ka naam
Hame na parwa karm ki

Arth-niti se hame kya matlab
Aadhe to bas hindurashtra chahte hai
Baaki aadhe wo bhi andhe
Unko bhi bas bibaad bhahte hai

Masnad pe jo baithe ho raja
Sikka ucchalo ham nachenge
dhil do tum nafrat ki rassi ko
Ham chup rahe to zarur bachenge

Gaer mulko ko gaali dedo
Hame do wakt ki roti na sahi
Ham yaha baithe taali maare
Aakhir Deshprem to hai wahi

Chautha stambh  bik gaya hai
Par dushman hamare parosi hai
Galti hami se ho gai hogi
Kisne kaha aap doshi hai

Aaphi to hai param pita
Hamare aap rakhwale hai
Bhuke pet bhajan na hoye
Par ham kaha rukne wale hai

Aankh bandh,kaan bandh
Bas lete rahe ham aaphi ka naam
Chahe kitni bhi sacchai sataye
Aapko bhajte rahe ham subho shaam.