Kaun hai tu? Deshdrohi?

Ji main deshdrohi hu,
Jisse maarne ko tum taiyaar
main wahi hu.
Main sawalo se hu bhari,
Jo dar se bhi naa dari,
Main wahi hu.

main krodh hu un maao ka,
Un betio aanho ka,
Main awaaz hu.
Main Us baap ki hu bebasi,
Jo is mitti main hi hai basi,
Wo raaz hu

darao na,chup karao na,
ha hame tum ghabrao na
Main ahinsa ki hu taapsi,
Yeh saare masle hai aapsi
Aisi jhuti baat bolke
tum paath hame padhao na.

Haan main deshdrohi hu
Jisse maarne ko tum taiyaar,
Gantantra ka hun main bhi yaar,
Main wahi hu.

Main bhuk se laachar hu,
Par zinda kalakar hu,
Salakho ke piche se
Main yudh ki pukar hu.

Hu kasmir main bangaal bhi,
Main senkro kangaal bhi,
Tum bas sun lo.
Rajneeti se rutha hu,
Par kasam main na jhuta hu,
Yeh jaan lo.

To main deshdrohi hu
Jo har paanch saal main vote daale
Mai  wahi hu
Main desh drohi hu.